كفاك دموع يا قلبي ترى دمعك علي غالي
أنـا مالي في هالدنيا سواك أحد يواسيني
دخيلك حتى لو صاحت جروحك ترفق بحالي
أخاف صياحها يحيي جروح ميتة فيني
صعيبة والله هالدنيا على مثلك و أمثالي
صغار على الحزن لكن أبت تستوعب سنيني
سقتني المر في عمر شرب به غيري الحالي
و كل ما صحت يا دنيا ذبحني المر تسقيني
وحيد عشت أنـادي الفرح لجروحي ولا جاني
رحلت بكل صوب وما لقيت اللي يداويني
و تراها ما غدت تفرق معي لو طال ترحالي
أنـا أصلاً سكنت الجرح و تاهت به عناويني
عشقت الحزن مو برضاي و عيا الوقت يصفى لي
و يوم إنه رجف دمعي ذبحته في وسط عيني
لك الله وش يفيد الدمع ولو هو سيل متوالي
لك الله امسح دموعك ترى هالدمع يشقيني
مصير جروحنا تذبل قصر العمر أو طالِ
و إذا جرحك أبى يبرأ أضمده بشراييني
المواضيع المتشابهه
كفاك دموع ياقلبي
رد: كفاك دموع ياقلبي
العرض العادي
